வயர்லெஸ் சார்ஜிங்: வியக்க வைக்கும் சோனியின் புதிய கண்டுபிடிப்பு

வாஷிங்டன்:

வை-பை ஹாட்ஸ்பாட் கொண்டு இண்டர்நெட் பயன்படுத்துவதை போன்று, இரு சாதனங்களிடையே சார்ஜ் செய்யும் வழிமுறைக்கான காப்புரிமையை கோரி சோனி நிறுவனம் விண்ணப்பித்துள்ளது. அமெரிக்க காப்புரிமை மற்றும் முத்திரை வழங்கும் அலுவலகத்தில் இதற்கான விண்ணப்பதை சோனி நிறுவனம் சமீபத்தில் பதிவு செய்துள்ளது. 

சோனியின் புதிய காப்புரிமையின் படி நியர் ஃபீல்டு கம்யூனிகேஷன்ஸ் எனும் தொழில்நுட்பத்தை பயன்படுத்தி அருகாமையில் இருக்கும் சாதனங்களில் இருந்து மின்சாரத்தை எடுக்க முடியும் என குறிப்பிடப்பட்டுள்ளது. நியர் ஃபீல்டு கம்யூனிகேஷன்ஸ் கொண்டு தரவு கட்டமைப்பு மற்றும் மின் பரிமாற்றம் என்ற பெயரில் இந்த காப்புரிமை பதிவு செய்யப்பட்டுள்ளது. 

சோனி நிறுவனத்தின் புதிய காப்புரிமையானது இன்று வை-பை ஹாட்ஸ்பாட் கொண்டு இண்டர்நெட் பயன்படுத்துவதை போன்று அருகாமையில் இருக்கும் ஆன்டெனா கொண்டு வயர்லெஸ் முறையில் சாதனத்தை சார்ஜ் செய்து கொள்ளும். தற்சமயம் காப்புரிமை மட்டுமே பதிவு செய்யப்பட்டுள்ள நிலையில் இந்த தொழில்நுட்பம் வணிக ரீதியாக பயன்படுத்துவது குறித்து குறித்து எவ்வித தகவலும் இல்லை.