செய்திகள்
சிதம்பரம் தொகுதியில் திருமாவளவனுக்கு பானை சின்னம் ஒதுக்கீடு
திமுக கூட்டணியில் இடம்பிடித்துள்ள விடுதலை சிறுத்தைகள் கட்சிக்கு தேர்தல் கமிஷன் பானை சின்னத்தை ஒதுக்கியுள்ளது. #Election2019 #vck
பாராளுமன்ற தேர்தலில் திமுக கூட்டணியில் விடுதலை சிறுத்தைகள் கட்சி இடம்பிடித்துள்ளது. அந்தக் கட்சிக்கு சிதம்பரம் மற்றும் விழுப்புரம் தொகுதி ஒதுக்கப்பட்டுள்ளது. விழுப்புரம் தொகுதியில் ரவிக்குமார் உதய சூரியன் சின்னத்தில் போட்டியிடுகிறார். சிதம்பரம் தொகுதியில் திருமாவளவன் தனிச் சின்னத்தில் போட்டியிடுவேன் என்று அறிவித்திருந்தார்.
அவர் தேர்தல் கமிஷனிடம் மோதிரம் சின்னம் வழங்க வேண்டும் என்று மனு கொடுத்திருந்தார். ஆனால், மோதிரம் சின்னம் வழங்கவில்லை. இதுகுறித்து திருமாவளவன் கூறுகையில் ‘‘தேர்தல் கமிஷன் சின்னம் வழங்குவதில் காலதாமதம் செய்கிறது’’ என்று கூறியிருந்தார்.
இந்நிலையில் விடுதலை சிறுத்தைகள் கட்சிக்கு பானை சின்னம் ஒதுக்கப்பட்டுள்ளது. இதனால் திருமாவளவன் சிதம்பரம் தொகுதியில் பானை சின்னத்தில் போட்டியிடுகிறார். #Election2019 #vck