ஊத்தங்கரை அருகே விபத்தில் வேன் டிரைவர் பலி

மத்தூர்:

ஊத்தங்கரை தாலுகா ஓலைப்பட்டியைச் சேர்ந்தவர் கோவிந்தசாமி (வயது 41) . வேன் டிரைவர். சம்பவத்தன்று இவர் மோட்டார்சைக்கிளில் போக்கம்பட்டி முருகன் கோவில் அருகில் சென்று கொண்டிருந்தார். அப்போது எதிர்பாராதவிதமாக மோட்டார்சைக்கிள் கவிழ்ந்தது. இந்த விபத்தில் படுகாயம் அடைந்த கோவிந்தசாமி சம்பவ இடத்திலேயே பரிதாபமாக இறந்தார். இதுகுறித்து போச்சம்பள்ளி போலீசார் வழக்குப்பதிவு செய்து விசாரணை நடத்தி வருகிறார்கள்.