புதுச்சேரி மாநில அ.தி.மு.க.வுக்கு 2 மாநில செயலாளர்கள் நியமனம்: எடப்பாடி பழனிசாமி-ஓபிஎஸ் அறிவிப்பு

புதுச்சேரி:

புதுச்சேரி மாநில அ.தி.மு.க. புதுச்சேரி மாநிலம் (கிழக்கு), புதுச்சேரி மாநிலம் (மேற்கு) என 2 ஆக பிரிக்கப்பட்டுள்ளது.

இதுகுறித்து அ.தி.மு.க. ஒருங்கிணைப்பாளர், துணை முதல்-அமைச்சர் ஓ.பன்னீர் செல்வம், இணை ஒருங்கிணைப்பாளர், முதல்- அமைச்சர் எடப்பாடி பழனிசாமி, ஆகியோர் வெளியிட்டுள்ள அறிவிப்பில் கூறி இருப்பதாவது:-

புதுச்சேரி மாநிலத்தில் புதிதாக நியமிக்கப்பட்டுள்ள மாநில கழக செயலாளர்கள், அவர்கள் நிர்வகிக்கும் சட்டமன்ற தொகுதிகள் விவரம்.

புதுச்சேரி மாநிலம் (கிழக்கு)-மாநில செயலாளர், சட்டமன்ற குழு தலைவர் ஏ.அன்பழகன் எம்.எல்.ஏ.

இவருக்கு ஒதுக்கப்பட்டுள்ள சட்டமன்ற தொகுதிகள்- உப்பளம், காமராஜ், லாஸ்பேட்டை, காலாப்பட்டு, முத்தியால் பேட்டை, ராஜ்பவன், முதலியார்பேட்டை, அரியாங்குப்பம், மணவெளி, ஏம்பலம் (தனி), திருபுவனை (தனி), பாகூர், ஏனாம்.

மாநில செயலாளர்- ஓம்சக்தி சேகர் (முன்னாள் எம்.எல்.ஏ.)

இவருக்கு ஒதுக்கப்பட்டுள்ள தொகுதிகள்- நெல்லித்தோப்பு, மண்ணாடிப்பட்டு, நெட்டப்பாக்கம் (தனி), ஊசுடு (தனி), மங்களம், வில்லியனூர், உழவர்கரை, கதிர்காமம், இந்திராநகர், தட்டாஞ்சாவடி, உருளையன்பேட்டை, மாகி.

மேற்கண்ட சட்டமன்ற தொகுதிகளை உள்ளடக்கிய அனைத்து பகுதிகளிலும் தற்போது நியமிக்கப்பட்டுள்ள மாநில கழக செயலாளர்களின் கட்டுப்பாட்டில் இன்று முதல் செயல்படும்.

இவ்வாறு அவர்கள் கூறியுள்ளனர்.