செய்திகள்
ஊட்டியில் இருந்து கோவைக்கு செல்லும் அரசு பஸ்கள் திடீர் நிறுத்தம் - பயணிகள் அவதி
ஊட்டியில் இருந்து கோவைக்கு செல்லும் அரசு பஸ்கள் திடீரென நிறுத்தப்பட்டு உள்ளன. இதனால் பயணிகள் கடும் அவதி அடைந்தனர்.
ஊட்டி:
கொரோனா வைரஸ் பரவலை தடுக்கும் வகையில் தமிழகம் உள்பட நாடு முழுவதும் ஊரடங்கு உத்தரவு அமல்படுத்தப்பட்டு உள்ளது. எனினும் தமிழகத்தில் குறைந்த பயணிகளை கொண்டு சமூக இடைவெளியை கடைபிடித்து அரசு பஸ்களை இயக்க அனுமதி அளிக்கப்பட்டது. அதன்படி கோவை போக்குவரத்துக்கழக மண்டலத்துக்கு உட்பட்ட நீலகிரி மாவட்டத்தில் 160 அரசு பஸ்கள் இயக்கப்பட்டு வருகிறது. நீலகிரியில் இருந்து கோவை, திருப்பூர், ஈரோடு ஆகிய மாவட்டங்களுக்கும், நகர்ப்புறங்கள் மற்றும் கிராமப்புறங்களுக்கும் பஸ்கள் இயக்கப்படுகிறது.
இதற்கிடையே கோவை மாவட்டத்தில் இருந்து அத்தியாவசிய தேவைகளுக்காக செல்கிறோம் என்று கூறி அரசு பஸ்கள் மட்டுமின்றி சொந்த வாகனங்களிலும் நீலகிரிக்கு வருபவர்கள் எண்ணிக்கை அதிகரித்து வருகிறது. ஒரு நாளைக்கு 2 ஆயிரம் பேருக்கு மேல் வருவதாக கூறப்படுகிறது.
இந்த நிலையில் நேற்று முதல் ஊட்டியில் இருந்து கோவைக்கு இயக்கப்படும் அரசு பஸ்கள் திடீரென நிறுத்தப்பட்டன. இதனால் ஊட்டி மத்திய பஸ் நிலையத்தில் கோவைக்கு செல்லும் பஸ்கள் நிற்கும் இடம் வெறிச்சோடி காணப்பட்டது. மேலும் பஸ்கள் முன்னறிவிப்பு இன்றி நிறுத்தப்பட்டதை அறியாத பயணிகள் ஏராளமானோர் காலை முதலே காத்திருந்து கடும் அவதி அடைந்தனர்.
கடந்த 5 நாட்களாக ஊட்டியில் இருந்து கோவைக்கு 20 பஸ்கள் இயக்கப்பட்டு வந்தது. ஆனால் நேற்று ஒரு மணி நேரத்துக்கு இடையே மேட்டுப்பாளையத்துக்கு மட்டும் அரசு பஸ் இயக்கப்பட்டது. அதில் சமூக இடைவெளி விட்டு குறைந்த பயணிகள் மட்டும் மேட்டுப்பாளையம் சென்றனர். இதனால் மற்ற பயணிகள் பஸ் நிலையத்தின் இருக்கைகளில் அமர்ந்தும், வரிசையில் நின்றும் நீண்ட நேரம் பஸ்சுக்காக காத்துக்கொண்டு இருந்தனர். அவர்கள் உடைமைகளுடனும், கையில் குழந்தைகளுடனும் கோவைக்கு செல்ல பரிதவிக்கும் நிலை ஏற்பட்டதை காண முடிந்தது. இதேபோன்று நேற்று மதியம் கோத்தகிரியில் இருந்து குன்னூர், ஊட்டி, மேட்டுப்பாளையம், கோவை செல்லும் அரசு பஸ்கள் திடீரென நிறுத்தப்பட்டன. இதனால் பயணிகள் அவதி அடைந்தனர்.
கொரோனா வைரஸ் பரவலை தடுக்கும் வகையில் தமிழகம் உள்பட நாடு முழுவதும் ஊரடங்கு உத்தரவு அமல்படுத்தப்பட்டு உள்ளது. எனினும் தமிழகத்தில் குறைந்த பயணிகளை கொண்டு சமூக இடைவெளியை கடைபிடித்து அரசு பஸ்களை இயக்க அனுமதி அளிக்கப்பட்டது. அதன்படி கோவை போக்குவரத்துக்கழக மண்டலத்துக்கு உட்பட்ட நீலகிரி மாவட்டத்தில் 160 அரசு பஸ்கள் இயக்கப்பட்டு வருகிறது. நீலகிரியில் இருந்து கோவை, திருப்பூர், ஈரோடு ஆகிய மாவட்டங்களுக்கும், நகர்ப்புறங்கள் மற்றும் கிராமப்புறங்களுக்கும் பஸ்கள் இயக்கப்படுகிறது.
இதற்கிடையே கோவை மாவட்டத்தில் இருந்து அத்தியாவசிய தேவைகளுக்காக செல்கிறோம் என்று கூறி அரசு பஸ்கள் மட்டுமின்றி சொந்த வாகனங்களிலும் நீலகிரிக்கு வருபவர்கள் எண்ணிக்கை அதிகரித்து வருகிறது. ஒரு நாளைக்கு 2 ஆயிரம் பேருக்கு மேல் வருவதாக கூறப்படுகிறது.
இந்த நிலையில் நேற்று முதல் ஊட்டியில் இருந்து கோவைக்கு இயக்கப்படும் அரசு பஸ்கள் திடீரென நிறுத்தப்பட்டன. இதனால் ஊட்டி மத்திய பஸ் நிலையத்தில் கோவைக்கு செல்லும் பஸ்கள் நிற்கும் இடம் வெறிச்சோடி காணப்பட்டது. மேலும் பஸ்கள் முன்னறிவிப்பு இன்றி நிறுத்தப்பட்டதை அறியாத பயணிகள் ஏராளமானோர் காலை முதலே காத்திருந்து கடும் அவதி அடைந்தனர்.
கடந்த 5 நாட்களாக ஊட்டியில் இருந்து கோவைக்கு 20 பஸ்கள் இயக்கப்பட்டு வந்தது. ஆனால் நேற்று ஒரு மணி நேரத்துக்கு இடையே மேட்டுப்பாளையத்துக்கு மட்டும் அரசு பஸ் இயக்கப்பட்டது. அதில் சமூக இடைவெளி விட்டு குறைந்த பயணிகள் மட்டும் மேட்டுப்பாளையம் சென்றனர். இதனால் மற்ற பயணிகள் பஸ் நிலையத்தின் இருக்கைகளில் அமர்ந்தும், வரிசையில் நின்றும் நீண்ட நேரம் பஸ்சுக்காக காத்துக்கொண்டு இருந்தனர். அவர்கள் உடைமைகளுடனும், கையில் குழந்தைகளுடனும் கோவைக்கு செல்ல பரிதவிக்கும் நிலை ஏற்பட்டதை காண முடிந்தது. இதேபோன்று நேற்று மதியம் கோத்தகிரியில் இருந்து குன்னூர், ஊட்டி, மேட்டுப்பாளையம், கோவை செல்லும் அரசு பஸ்கள் திடீரென நிறுத்தப்பட்டன. இதனால் பயணிகள் அவதி அடைந்தனர்.