செய்திகள்
வெங்காயம்

ஈரோடு மாவட்டத்தில் பெரிய வெங்காயம் விலை உயர்ந்தது

Published On 2019-09-30 10:37 GMT   |   Update On 2019-09-30 10:37 GMT
ஈரோடு மாவட்டத்தில் பெரிய வெங்காயத்தின் விலை உயர்ந்துள்ளது. இதனால் பொதுமக்கள் கடும் அதிர்ச்சி அடைந்து உள்ளனர்.
ஈரோடு:

பெரிய வெங்காயம் தட்டுப்பாடு ஏற்பட்டுள்ள நிலையில் இந்தியா முழுவதும் பெரிய வெங்காயத்தின் விலை கிடுகிடுவென ஏறி வருகிறது.

ஈரோடு மாவட்டத்திலும் பெரிய வெங்காயத்தின் விலை கூடி உள்ளது. முன்பு சின்ன வெங்காயத்தின் விலையை விட பெரிய வெங்காயத்தின் விலை மிகவும் குறைவாக இருக்கும். சின்ன வெங்காயத்தை அதிக விலைக்கு வாங்க முடியாத மக்கள் பெரிய வெங்காயத்தை வாங்கி வந்தார்கள்.

இப்போது நிலைமை தலைகீழாக மாறி உள்ளது. பெரிய வெங்காயத்தை வாங்காமல் சின்ன வெங்காயத்தை வாங்கி செல்கிறார்கள்.

ஈரோட்டில் பெரிய வெங்காயத்தின் விலை கிலோ ரூ.40-க்கு விற்கப்பட்டது. ரூ.55 ஆகி 60 ஆக விற்பனை செய்யப்பட்டு வருகிறது. இதனால் பொதுமக்கள் கடும் அதிர்ச்சி அடைந்து உள்ளனர்.

அதே சமயம் சின்ன வெங்காயம் கொஞ்சம் கூடி 35 ரூபாய் மற்றும் 40 ரூபாய்க்கு விற்பனை செய்யப்பட்டு வருகிறது.
Tags:    

Similar News