ஈரோட்டுக்கு நாளை உதயநிதி ஸ்டாலின் வருகை

ஈரோடு:

ஈரோடு தெற்கு மாவட்ட தி.மு.க. மாவட்ட இளைஞரணி அமைப்பாளர் கே.இ. பிரகா‌ஷ வெளியிட்டுள்ள அறிக்கையில் கூறியிருப்பதாவது:-

நாளை (சனிக்கிழமை) காலை8.30 மணி அளவில் தி.மு.க. இளைஞர் அணி செயலாளர் உதயநிதி ஸ்டாலின் ஈரோட்டில் உள்ள தந்தை பெரியார் அண்ணா நினைவகத்தில் பெரியார் சிலைக்கு மாலை அணிவித்து நினைவகத்தை பார்வையிடுகிறார்.

பிறகு 9.30 மணி அளவில் காளைமாடு சிலை அருகில் உள்ள சிமினி ஹோட்டல் அருகில் இளைஞர் அணியின் உறுப்பினர் முகாமை தொடங்கி வைக்கிறார்.

காலை 10.30 மணி அளவில் ஈரோடு கோல்டன் சிட்டி லயன்ஸ் கிளப் ஒருங்கிணைப்பாளர் மூலமாக மொடக்குறிச்சி தொகுதி,கொடுமுடி ஒன்றியம், சிவகிரி பேரூராட்சிக்குட்பட்ட கவுண்டம்பாளையம் குளம் தூர்வாரி முடிக்கப்பட்ட நிலையில் பொதுமக்கள் பயன்பாட்டிற்கு உதயநிதி ஸ்டாலின் வழங்குகிறார். பிறகு 12.30 மணி அளவில் ஈரோடு தெற்கு மாவட்டத்துக்கு உட்பட்ட மாவட்ட மாநகர அமைப்பாளர் துணை அமைப்பாளர்களுடன் கலந்துரையாடுகிறார். பிறகு 2 மணி அளவில் கலைஞர் கருணாநிதி சிலைக்கு மாலை அணிவிக்கிறார்.

நிகழ்ச்சியில் இளைஞரணி துணைச் செயலாளர் அன்பில் மகேஷ் பொய்யாமொழி எம்.எல்.ஏ . ஈரோடு தெற்கு மாவட்ட செயலாளர் முத்துசாமி ஆகியோர் தலைமையில் நிகழ்ச்சி நடைபெறுகிறது.

அதுசமயம் அந்தந்த பகுதிகளில் நடைபெறும் நிகழ்ச்சிகளுக்கு மாவட்ட , மாநகர, ஒன்றிய, பேரூர், பகுதி, ஊராட்சி இளைஞர் அணி நிர்வாகிகள் மற்றும் கழக நிர்வாகிகள் இளைஞர் அணியினர் சார்பு அணியினர் தவறாமல் கலந்து கொண்டு விழாவை சிறப்பிக்க வேண்டுகிறோம்.

இவ்வாறு அவர் அந்த அறிக்கையில் கூறியுள்ளார்.