கார் விபத்தில் ஆட்டோ டிரைவர் காயம் - நடிகர் விக்ரம் மகன் துருவ் கைதாகி ஜாமினில் விடுவிப்பு

சென்னை:

நடிகர் விக்ரமின் மகன் துருவ், தற்போது பாலா இயக்கத்தில் ஒரு படத்தில் நடித்து வருகிறார். இந்நிலையில், சென்னை தேனாம்பேட்டையில் போலீஸ் கமிஷ்னர் இல்லம் அருகே அவர் சென்ற கார் விபத்துக்குள்ளாகியுள்ளது. இந்த விபத்தில், அங்கிருந்த 3 ஆட்டோக்கள் சேதமடைந்தது.

இதில், ஆட்டோ டிரைவர் ஒருவர் காயமடைந்துள்ளதாக கூறப்படுகிறது.

விபத்துக்குள்ளான காரில் துருவ் உள்பட 3 பேர் இருந்துள்ளனர். இந்த விபத்து குறித்து போலீசார் விசாரித்தனர்.

துருவ் மீது இரண்டு பிரிவுகளில் வழக்குப்பதிவு செய்த போலீசார், அவரை ஜாமினில் விடுவித்தனர்.