கிண்டியில் ஆட்டோவில் சுற்றிய வழிப்பறி கும்பல் சிக்கியது

ஆலந்தூர்:

கிண்டி நேரு நகரில் போலீசார் ரோந்து பணியில் ஈடுபட்டிருந்தனர். வாகனங்களை நிறுத்தி சோதனை செய்தபோது ஒரு ஆட்டோவில் 5 பேர் வந்தனர். அப்போது ஆட்டோவை போலீசார் நிறுத்திய போது ஒருவன் தப்பி ஓடினான். மற்ற 4 பேரை போலீசார் மடக்கி பிடித்தனர்.

ஆட்டோவில் சோதனையிட்டபோது கத்தி போன்ற ஆயுதங்கள் இருந்தன. இவர்கள் 4 பேரும் வழிப்பறி கொள்ளையர்கள் என்பது தெரிய வந்தது. விசாரணையில் அவர்கள் கிண்டி நேரு நகரைச் சேர்ந்த சரத்குமார், மணி, குபேந்திரன், சதீஷ் என்பது தெரிய வந்தது. தப்பி ஓடிய மாதவனை தேடி வருகிறார்கள். இதுகுறித்து இன்ஸ்பெக்டர் மகிமைவீரன் விசாரணை நடத்தி வருகிறார்.