கிச்சன் கில்லாடிகள்
எள் லட்டு

கால்சியம் நிறைந்த எள் லட்டு

Update: 2022-03-30 05:48 GMT
ஒரு கப் பாலில் உள்ள கால்சியச் சத்து ஒரு கையளவு எள்ளில் உள்ளது. பால் சாப்பிட முடியாதவர்கள் எள்ளு மிட்டாய் சாப்பிட்டாலே தேவையான கால்சியம் உடலுக்கு கிடைத்து விடும்.
தேவையான பொருட்கள்:

வெள்ளை எள் - அரை கிலோ
வெல்லம் அல்லது கருப்பட்டி - அரை கிலோ
நெய் - 2 டேபிள்ஸ்பூன்
பொடித்த ஏலக்காய் -1 டீஸ்பூன்

செய்முறை:

அடி கனமான பாத்திரத்தில் எள்ளை கொட்டி சிறு தீயில் வறுத்தெடுக்கவும். எள் பொன்னிறமாக மாறும் வரை இடைவிடாமல் வறுத்தெடுக்கவும். ஒருபோதும் எள் கருகிவிடக்கூடாது. வறுத்த எள்ளை மிக்சியில் போட்டு பொடித்துக்கொள்ளவும். வெல்லத்தையும் நன்றாக பொடித்து தூளாக்கிக்கொள்ளவும். அடி கனமான பாத்திரத்தை அடுப்பில் சிறு தீயில் வைக்கவும்.

பின்பு நெய் ஊற்றி அது சூடானதும், வெல்லத்தை கொட்டவும். வெல்லம் பாகு பதத்துக்கு வந்ததும் அடுப்பை அணைக்கவும். அதனுடன் பொடித்த எள்ளையும், ஏலக்காயையும் சேர்த்து கிளறவும். பின்பு லட்டு களாக தயாரித்து காற்று புகாத டப்பாவில் 10 நாட்கள் வரை சேமித்து வைத்து சுவைக்கலாம்.
Tags:    

Similar News