லைஃப்ஸ்டைல்
சௌ சௌ துவையல்

வயிறு தொடர்பான பிரச்சனைகளை குணமாக்கும் சௌ சௌ துவையல்

Published On 2021-08-09 05:14 GMT   |   Update On 2021-08-09 05:14 GMT
புரதம், வைட்டமின் C, கால்சியம், பொட்டாசியம் சத்துக்களுடன் நீர்ச்சத்தும் நிறைந்த சௌ சௌ, சிறந்த நோய் எதிர்ப்பு நிவாரணியாகவும், திகழ்கிறது..
தேவையான பொருட்கள்

சௌசௌ - 1
காய்ந்த மிளகாய் - 3
உளுந்து, கடலைப்பருப்பு - தலா 1 டீஸ்பூன்
தேங்காய்த் துருவல் - அரை கப்
சின்ன வெங்காயம் - 10
பூண்டு - 2 பல்
உப்பு, எண்ணெய் - தேவைக்கு
புளி - சிறிதளவு

செய்முறை

சௌசௌவைத் தோலுடன் சிறு துண்டுகளாக நறுக்கிக்கொள்ளுங்கள்.

வாணலியில் எண்ணெய் ஊற்றிக் காய்ந்ததும் உளுந்து, கடலைப் பருப்பு, சின்ன வெங்காயம், பூண்டு, காய்ந்த மிளகாய், நறுக்கி வைத்துள்ள சௌசௌ ஆகியவற்றைத் தனித்தனியாக போட்டு வதக்கி எடுத்துவைத்துக்கொள்ளுங்கள்.

சூடு ஆறியதும் அவற்றுடன் உப்பு, புளி, தேங்காய்த் துருவல் சேர்த்து அரைத்தெடுங்கள்.

சூப்பரான சௌ சௌ துவையல் ரெடி.
Tags:    

Similar News