ஆரோக்கியம் நிறைந்த ஓட்ஸ் - ப்ரோக்கோலி சூப்

தேவையான பொருட்கள் :

ஓட்ஸ் - அரை கப்,
ப்ரோக்கோலி - கால் கப்,
ஓமம் - அரை டீஸ்பூன்,
பச்சை மிளகாய் - ஒன்று,
பிரிஞ்சி இலை - ஒன்று,
இஞ்சி - ஒரு அங்குலத் துண்டு (தட்டியது),
பால் - ஒரு கப்,
மல்லித்தூள் (தனியாத்தூள்),
மிளகுத்தூள் - தலா ஒரு டீஸ்பூன்,
வெண்ணெய் - ஒரு டேபிள்ஸ்பூன்,

செய்முறை :

குக்கரில் வெண்ணெயை சூடாக்கி, பிரிஞ்சி இலை, ப்ரோக்கோலிகளைச் சேர்த்து சில நிமிடங்கள் கிளறி, ஒரு கப் பால், ஓட்ஸ், பச்சை மிளகாய், இஞ்சி சேர்த்து குறைந்த தீயில் ஒரு விசில் வரும் வரை வேக விடவும்.

பிறகு இஞ்சி, மிளகாயை நீக்கிவிட்டு (இல்லையென்றால் மிகவும் காரமாக இருக்கும்), கலவையை மிக்ஸியில் விழுதுபோல் அரைத்து, பெரிய கண் உள்ள வடிகட்டியின் மூலம் வடிகட்டவும்.

வடிகட்டிய கலவையை மீண்டும் அடுப்பில் வைத்து உப்பு, ஓமம், தேவையெனில் பால் (அ) தண்ணீர் சேர்த்து குறைந்த தீயில் ஒரு கொதிக்க விடவும்.

பரிமாறுவதற்கு முன் மல்லித்தூள் (தனியாத்தூள்), மிளகுத்தூள் தூவவும்.