நல்ல பலன்களை ஆண்டு முழுவதும் பெற பாட வேண்டிய பாடல்

தமிழ் புத்தாண்டாக இருந்தாலும், ஆங்கிலப் புத்தாண்டாக இருந்தாலும் முதல் நாள் வரும் கிழமைக்குரிய வழிபாடுகளை மேற்கொள்வதன் மூலம், ஆண்டு முழுவதும் நற்பலன் கிடைக்கும் என்பது நம்பிக்கை. எனவே இந்தப் புத்தாண்டு சனிக்கிழமையன்று பிறப்பதால் விநாயகப்பெருமான், அனுமன், சனீஸ்வர பகவானை அன்றைய தினத்தில் வழிபடுவது நல்லது.

வழிபாட்டுப் பாடல்

இனிய பலன்கள் எவர்க்கும் கிடைக்கச்

சனியெனும் கிழமையில் ஆண்டு பிறந்தது

மணியென வாழ்க்கை மலர்ந்திட வேண்டி

புனிதனாய் மாறப் போற்றுகின் றேன்நான்

ஆனை முகனும் அனுமனும் சனியும்

தேனாய் அருளத் தெரிசிக் கின்றேன்

வாழ்வை இனிநீ வசந்தம் ஆக்கு

வருங்கா லத்தின் நலனைக் கூட்டு

சூழும் பகையைத் தூர விரட்டு

சுற்றம் மகிழ வாழ்வைக் காட்டு

மேற்கண்ட பாடலை இல்லத்து பூஜையறையில் படித்து வழிபட்டால் நல்ல பலன்களை ஆண்டு முழுவதும் பெற இயலும்.