உல்லாச உலகம்

அன்னை வள்ளி கிரியே‌ஷன்ஸ் என்ற புதிய பட நிறுவனம் மாருதி பிலிம்ஸ் இண்டர்நே‌ஷனல் என்.முத்துக்குமாருடன் இணைந்து தமிழ், இந்தியில் தயாரிக்கும் படம் ‘உல்லாச உலகம்’.

இன்றைய எக்ஸ்பிரஸ் வேகத்தில் வாழ்க்கையை கடக்கும் இளைய தலைமுறையிடம் திருக்குறளை முழுமையாக படிக்கும் ஆர்வம் இருப்பது அரிதானது.

நவீன தகவல் தொடர்பு சாதனங்கள், இன்றைய இளைஞர்கள், இளம் பெண்களுக்கு ஆக்கப்பூர்வமாகவும் பயன்படுகிறது. அதுவே அவர்களின் சீரழிவுக்கும் காரணமாகிறது. இதை மையக்கருவாக வைத்து இது உருவாகிறது.

இந்த படத்தை தி.மனோராமச்சந்திரன், தி.ஆறுமுகம் என்ற இரட்டையர்கள் கதை, திரைக்கதை, வசனம், பாடல்கள் எழுதி இயக்குகிறார்கள். மேலும் என்.முத்துக்குமாருடன் இணைந்து தயாரிக்கிறார்கள்.

இதில் நடிப்பவர்கள் அனைவரும் புதுமுகங்கள்.

இந்த படத்தின் கதைக்களம் திருக்குறள் தான். ஒரே கட்டணத்தில் ஒரே தலைப்பில் குறிப்பிட்ட நேரத்திற்குள் மூன்று கதைகளை உள்ளடக்கி உருவாக்கப்படும் படம் ‘ உல்லாச உலகம்’.

சாமுவேல் இசை அமைக்கிறார். ஒளிப்பதிவு-சந்திரன் சாமி, சண்டை பயிற்சி-ஆக்‌ஷன் பிரகாஷ், நடனம்-சஞ்சீவ கண்ணா.

எம்.ஜி.ஆர். பிறந்தநாளான ஜனவரி 17- ந்தேதி ‘உல்லாச உலகம்’ படப்பிடிப்பு தொடங்கியது.

இது கேரளா, உத்திரபிரதேசம், ராஜஸ்தான், ஒடிசா ஆகிய ஐந்து மாநிலங்களில் வளர இருக்கிறது.