சினிமா
ஏ.வெங்கடேஷ் தனது 23-வது படமாக ‘நேத்ரா’ என்ற படத்தை இயக்கவுள்ளார். இதுகுறித்த முன்னோட்டத்தை கீழே பார்ப்போம்.
‘மகாபிரபு’, ‘ஏய்’, ‘பகவதி’, ‘குத்து’, ‘சாணக்யா’ உள்பட 22 படங்களை இயக்கியவர் ஏ.வெங்கடேஷ். இவரது 23-வது படம் ‘நேத்ரா’. இதில் வினய், சுமிக்ஷா, ரோபோ சங்கர், இமான் அண்ணாச்சி உள்பட பலர் நடிக்கிறார்கள். ஸ்ரீகாந்த்தேவா இசை அமைக்கிறார்.
தமிழ் நாட்டில் இருந்து கனடா செல்லும் ஒரு இளம் தம்பதி விபரீதங்களை எதிர்கொள்ளும் கதை. கனடாவை சேர்ந்த பா.ராஜசிங்கம் இதை தயாரிக்கிறார். பெரும்பாலான படப்பிடிப்பு கனடாவில் நடக்கிறது.
இதுபற்றி கூறிய இயக்குனர் வெங்கடேஷ், “இது திரில்லர், காமெடி கலந்த கதை. மொட்டை ராஜேந்திரன், ரோபோ சங்கர் இணைந்து காமெடியில் கலக்குகிறார்கள்” என்றார்.