மோரா பிக்சர்ஸ் தயாரிக்கும் படம் ‘மோகனா’. இதில் மொட்டை ராஜேந்திரன், பவர்ஸ்டார் சீனிவாசன், கல்யாணி நாயர்,உமா,ஹரீஷ்,மோரா, மும்பை சீனுஜி ஆகியோர் நடிக்கிறார்கள்.
இசை-எல்.ஜி. பாலா,பாடல்-சீனிவாசன், நடனம்- கவுசல்யா, சண்டைப்பயிற்சி-‘ஸ்டண்ட்’ விஜய், தயாரிப்பு- மோரா. கதை,திரைக்கதை, வசனம், ஒளிப்பதிவு, இயக்கம்- ஆர்.ஏ. ஆனந்த். இவர் ‘செவிலி’ படத்தை இயக்கியவர்.
படம் பற்றி இயக்குனரிடம் கேட்டபோது....
“நாடகத்துறையிலுள்ள கலைஞர்களின் வாழ்க்கை எவ்வாறு அமைகிறது என்பதைப்பற்றி கூறும் படம்.
மோகனா எனும் நாடக நடிகையை, நடிகராக வரும் ‘பவர் ஸ்டார்’ ஒரு தலையாக காதலிக்கிறார். அதே சமயம் பண்ணையார் மொட்டை ராஜேந்திரனும் அவள் மேல் உயிரையே வைத்திருக்கிறார். அதில் சிக்கித்தவிக்கும் மோகனாவின் நிலை என்ன என்பதை வயிறு குலுங்க சிரிக்க வைக்கும் முழு நீள நகைச்சுவை படம் தான் ‘மோகனா’” என்றார்.
இந்த படம் முழுவதும் நள்ளிரவு காட்சிகளாக எடுக்கப்பட்டது. ஒரு பாடல் மட்டுமே உள்ளது.
இறுதி கட்ட பணிகள் நடைபெற்று வருகிறது.