முன்னோடி

எஸ்.பி.டி.ஏ. ராஜசேகர், சோஹாம் அகர்வால் ஆகியோர் இணைந்து தயாரிக்கும் படம் `முன்னோடி'.  இதில் தெலுங்கு தேசத்தை சேர்ந்த ஹரிஷ் கதாநாயகனாக அறிமுகமாகிறார். இவர் 'பாகுபலி' பிரபாஸின் உறவினர். நாயகியாக தெலுங்கு தேசத்தை சேர்ந்த யாமினி பாஸ்கர் அறிமுகமாகிறார். இவர்கள் இருவருமே தமிழுக்கு புதிதாக அறிமுகமாகிறார்கள்.

படத்தில் வில்லன்களாக 'கங்காரு' படத்தில் ஹீரோவாக நடித்த அர்ஜுனா, ‘குற்றம் கடிதல்’ படத்தில் நடித்த பாவல் நவநீதன்  ஆகியோர் நடிக்கிறார்கள். இவர்களுடன் சித்தாரா, ஷிஜாய் வர்கீஸ், நிரஞ்சன், சுரேஷ், தமன், வினுக்ருதிக் ஆகியோர் முக்கிய வேடங்களில் நடித்திருக்கிறார்கள்.  

வினோத் ரத்னசாமி ஒளிப்பதிவு செய்கிறார். கே.பிரபு ஷங்கர் இசையமைக்கிறார். எடிட்டிங்- என்.சுதா, நடனம்-ஏபி.சந்தோஷ். ஸ்டண்ட் -டேஞ்சர் மணி. இந்த படத்தின் கதை, திரைக்கதை, வசனம் எழுதி இயக்கியிருப்பவர் எஸ்.பி.டி.ஏ.குமார்.

தொழிலதிபரான இவர் சினிமா மீது கொண்ட காதலால் யாரிடமும் உதவியாளராக பணிபுரியாமல் இயக்குனர் ஆகியிருக்கிறார்.   
சூழ்நிலையால் ரவுடியாக வளரும் ஒருவன் வேறொரு சூழ்நிலையில் மனம் திருந்தி நல்லவனாக மாற முயற்சிக்கிறான். அவன் முயற்சி வெற்றி பெற்றதா? இல்லையா? என்பதை உணர்ச்சிகரமாகவும் நகைச்சுவையாகவும் சொல்லும் படம் `முன்னோடி'.

இயக்குனர்  எஸ்.பி.டி.ஏ. குமார் ஒரு பாடல் காட்சி முழுவதையும் கிராபிக்ஸ் காட்சிகளால் அமைத்துள்ளார். இந்த பாடலை எடுக்க ஆறு மாதங்கள் உழைத்திருக்கிறோம். வேறு கிராபிக்ஸ் காட்சிகளும் உண்டு என்று படக்குழுவினர் தெரிவித்தனர்.