அன்புக்கு பஞ்சமில்லை

நர்கவி டாக்கிஸ் தயாரிக்கும் படம் `அன்புக்கு பஞ்சமில்லை'. இதில் விக்னேஷ் வித்தியாசமாக நடித்துள்ளார். இவருடன் `பந்து' படத்தில் நாயகனாக நடித்துள்ள பிரதாப், காயத்திரி அய்யர், கஞ்சாகருப்பு, துளசிதேவர்,தேனிமுருகன் உள்பட பலர் நடித்திருக்கிறார்கள்.

இசை-சவுந்தர்யா,பாடல்கள் அறிவுமதி, தேன்மொழி, கிருதயா, செங்கதிர் வாணன், நடனம்-சாய்சரவணன், கோபால்ஜி, கவுசல்யா, ஸ்டண்ட்-லயன்சரா, வசனம்-சேதுபதி. கதை, திரைக்கதை, இயக்கம்-விவேகபாரதி.

தஞ்சை டெல்டா பகுதியில் அக்காவின் மகள் வாழ்க்கைக்காக பாசப்போராட்டம் நடத்தும் தாய்மாமன். தன்னை காதலிக்கா விட்டாலும் அவனை காதலித்ததை பெருமையாக நினைக்கும்  நாயகி. தாய்மாமன் ஒரு புறம், அக்காள் மகள் மறுபுறம், அக்காள் மகளை காதலிக்கும் நாயகன் இன்னொருபுறம்.

இவர்களின் வாழ்வியலை தஞ்சை மாவட்டத்தில் அழகிய டெல்டா பகுதிகளில் கண்ணுக்கு  இனிமையாய் உருவாக்கியிருக்கும் படம் `அன்புக்குபஞ்சமில்லை'.
படப்பிடிப்பு முழுவதும் மயிலாடுதுறை, தஞ்சையை சுற்றி நடை பெற்றுள்ளது. படத்தின் உச்ச கட்ட காட்சிகளை மிக அருமையாக படமாக்கி இருப்பதாக படக்குழுவினர் தெரிவித்தனர்.