இமானுடன் இணைந்த பிரபல இசையமைப்பாளர்.. வைரலாகும் புகைப்படம்
- டெடி படத்தைத் தொடர்ந்து சக்தி சவுந்தர் ராஜன் இயக்கத்தில் உருவாகும் படம் கேப்டன்.
- இந்த படத்தில் டி இமானுடன் பிரபல இசையமைப்பாளர் இணைந்துள்ளார்.
நாய்கள் ஜாக்கிரதை, மிருதன், டிக்டிக்டிக், டெடி போன்ற படங்களை இயக்கிய சக்திசவுந்தர ராஜன் தற்போது இயக்கியுள்ள படம் 'கேப்டன்'. ஆர்யா கதாநாயகனாக நடிக்கும் இந்த படத்தில் அவருக்கு ஜோடியாக ஐஸ்வர்யா லட்சுமி நடித்துள்ளார். இவர்களுடன் சிம்ரன், காவ்யா ஷெட்டி போன்ற பலர் முக்கிய கதாபாத்திரங்களில் நடித்துள்ளனர்.
ரெட்ஜெயண்ட் மூவிஸ் தயாரிக்கும் இப்படத்திற்கு யுவா ஒளிப்பதிவு செய்கிறார். டி. இமான் இசையமைக்கிறார். 'கேப்டன்' திரைப்படம் செப்டம்பர் 8-ஆம் தேதி திரையரங்குகளில் வெளியாகும் என படக்குழுவினர் அதிகாரப்பூர்வமாக அறிவித்திருந்தனர்.
இந்நிலையில்,'கேப்டன்' திரைப்படத்திற்காக மதன் கார்க்கி எழுதியுள்ள மெலோடி பாடல் ஒன்றை இசையமைப்பாளர் யுவன் சங்கர் ராஜா பாடியுள்ளார். இந்த பாடல் விரைவில் வெளியாகும் என்று டி.இமான் தனது சமுக வலைத்தளத்தில் பகிர்ந்துள்ளார். இந்த புகைப்படத்தை ரசிகர்கள் இணையத்தில் பகிர்ந்து வருகின்றனர்.