வைரலாகும் விஜய் சேதுபதியின் காந்தி டாக்ஸ் பட டீசர்

தமிழ் திரையுலகின் முன்னணி நடிகர்களில் ஒருவரான விஜய் சேதுபதி தற்போது 'காந்தி டாக்ஸ்' என்ற படத்தில் நடித்துள்ளார். இப்படத்தை கிஷோர் பி.பெலேகர் இயக்க ஜீ ஸ்டுடியோஸ் நிறுவனம் தயாரித்துள்ளது. வசனமில்லாமல் மவுனப் படமாக உருவாகி இருக்கும் இப்படத்தில் அதிதி ராவ் ஹைதாரி, அரவிந்த் சாமி உள்ளிட்ட பலர் நடித்துள்ளனர். ப்ளாக் காமெடி ஜானரில் உருவாகி இருக்கும் இப்படத்திற்கு ஏ.ஆர்.ரகுமான் இசையமைத்துள்ளார்.

இப்படம் குறித்து இயக்குனர் கிஷோர் பி.பெலேகர் கூறியதாவது, மௌனப் படம் என்பது வித்தை காட்டும் ஒரு செயல் அல்ல இது கதைசொல்லலின் ஒரு வடிவம். பேசும் மொழியான வசனத்தை முற்றிலும் நிராகரித்துவிட்டு உணர்ச்சிகளை வெளிப்படுத்துவது கடினமானது மட்டுமல்ல, சுவாரஸ்யமும் சவாலும் கூட என்றார்.

இந்நிலையில் இப்படத்தின் அறிமுக வீடியோவை காந்தி பிறந்தநாளான நேற்று படக்குழு வெளியிட்டுள்ளது. இந்த வீடியோ தற்போது வைரலாகி வருகிறது. இப்படம் உலகம் முழுவதும் 2023ல் வெளியாகவுள்ளதாக தெரிவிக்கப்பட்டுள்ளது.