சூர்யா வெளியிட்ட லிங்குசாமி பட பாடல்
- தமிழ், தெலுங்கு என இரு மொழிகளில் “தி வாரியர்” உருவாகி வருகிறது.
- இப்படத்தில் முதன்முறையாக காவல்துறை அதிகாரியாக ராம் பொத்தினேனி நடித்து வருகிறார்.
இயக்குனர் லிங்குசாமி இயக்கத்தில் நடிகர் ராம் பொத்தினேனி நடிக்கும் திரைப்படம் "தி வாரியர்". தெலுங்கு திரையுலகின் முன்னணி இளம் நடிகரான ராம் பொத்தினேனி முதன்முறையாக தமிழ் இயக்குனருடன் இணைந்துள்ளார்.
இப்படத்தில் கீர்த்தி ஷெட்டி கதாநாயகியாகவும், அக்ஷரா கவுடா ஒரு முக்கிய கதாபாத்திரத்திலும், ஆதி பினிசெட்டி வில்லனாகவும் நடிக்கின்றனர். ஸ்ரீனிவாச சில்வர் ஸ்கிரின் பேனர் சார்பில் ஸ்ரீநிவாசா சித்தூரி தயாரிக்கும் தி வாரியர் படத்திற்கு தேவி ஸ்ரீ பிரசாத் இசையமைக்கிறார். பவன்குமார் இப்படத்தை வழங்கவுள்ளார்.
ராம் பொத்தினேனி முதன்முறையாக காவல்துறை அதிகாரியாக நடித்திருக்கும் இப்படத்தின் டீசர் சமீபத்தில் வெளியாகி வைரலானது. தி வாரியர் திரைப்படம் வருகிற ஜூலை 14-ம் தேதி வெளியாகவுள்ளது. முன்னதாக தேவி ஸ்ரீ பிரசாத் இசையில் சிலம்பரசன் பாடிய புல்லட் பாடல் நல்ல வரவேற்பை பெற்றது. இந்நிலையில் இப்படத்தில் இடம்பெற்றுள்ள விசில் பாடலை நடிகர் சூர்யா அவருடைய சமூக வலைத்தளப் பக்கத்தில் பகிர்ந்துள்ளார். ஆந்தோனி தாசன் மற்றும் ஸ்ரீநிஷா ஜெயசீலன் இணைந்து பாடியுள்ள இப்பாடல் தற்போது வைரலாகி வருகிறது.
Here's the #WhistleSong from #TheWarriorrhttps://t.co/4v4ED7InOz
— Suriya Sivakumar (@Suriya_offl) June 22, 2022
All the best for a super success!! @dirlingusamy @ThisIsDSP @RamSayz @AadhiOfficial @IamKrithiShetty