கோப்ரா படத்தின் அப்டேட் கொடுத்த ஏ.ஆர்.ரஹ்மான்

டிமாண்டி காலனி', 'இமைக்கா நொடிகள்' படங்களின் வெற்றியைத் தொடர்ந்து அஜய் ஞானமுத்து இயக்கியுள்ள படம் 'கோப்ரா'. விக்ரம் கதாநாயகனாக நடித்திருக்கும் இப்படத்தில் இவருக்கு ஜோடியாக ஸ்ரீநிதி ஷெட்டி நடித்துள்ளார். மேலும், கே.எஸ்.ரவிகுமார், இந்திய கிரிக்கெட் அணியின் முன்னாள் வீரர் இர்ஃபான் பதான், மியா ஜார்ஜ், கனிகா, மிருணாளினி, ஜான் விஜய் ஆகியோர் முக்கிய கதாபாத்திரத்தில் நடித்திருக்கின்றனர்.

லலித் குமார் தயாரித்துள்ள இப்படத்திற்கு ஏ.ஆர்.ரஹ்மான் இசையமைத்துள்ளார். சமீபத்தில் இப்படத்தின் போஸ்டர்கள், சிங்கிள் பாடல்கள் வெளியாகி ரசிகர்களிடையே நல்ல வரவேற்பை பெற்றது. படத்தின் இறுதிகட்ட பணிகள் நடந்து வரும் நிலையில் 'கோப்ரா' திரைப்படம் வருகிற ஆகஸ்ட் 11-ம் தேதி திரையரங்குகளில் வெளியாகவுள்ளது.

கோப்ரா

மேலும், இப்படத்தின் இசை வெளியீட்டு விழா அண்மையில் நடைபெற்றது. இந்நிலையில், ஏ.ஆர். ரஹ்மான் பதிவு ஒன்று சமூக வலைதளத்தில் வைரலாகி வருகிறது. அதில், பியானோவின் புகைப்படத்தை வெளியிட்டு " கோப்ரா" என்று குறிப்பிட்டுள்ளார்.

இதனை வைரலாக்கும் ரசிகர்கள் கோப்ரா படத்தின் மீதான எதிர்பார்ப்பு அதிகரித்துள்ளதாக கமெண்ட் செய்து வருகின்றனர்.