சினிமா
கடைசி 7 நாட்களை மறக்க முடியாது - இயக்குனர் ஆதிக் ரவிச்சந்திரன்
பஹிரா படத்தின் இயக்குனர் ஆதிக் ரவிச்சந்திரன், கடைசி 7 நாட்களை மறக்க முடியாது என்று பட விழாவில் பேசி இருக்கிறார்.
பிரபுதேவா நடிப்பில் தற்போது உருவாகி இருக்கும் திரைப்படம் பஹிரா. இதில் கதாநாயகிகளாக அமைரா, ஜனனி, சாக்ஷி அகர்வால், காயத்ரி, சஞ்சிதா ஷெட்டி ஆகியோர் நடித்துள்ளனர். இப்படத்தின் டிரைலர் வெளியீட்டு விழா சென்னையில் நடைபெற்றது. இதில் படக்குழுவினர் பலரும் கலந்துக் கொண்டனர்.
படத்தின் இயக்குனர் ஆதிக் ரவிச்சந்திரன் பேசும் போது, படத்தில் கதாநாயகிகளே இல்லை. அனைவரும் திறமையான நடிகர்கள். அமைராவிற்கு பிரபு தேவாவுக்கும் நிறைய காம்பினேஷன் சீன்கள் இருக்கிறது. அமைராவிற்கு தமிழ் தெரியாது. ஆனால், நான் சொன்னதை கேட்டு திறமையாக நடித்து கொடுத்தார்.
பிரபு தேவா - ஆதிக் ரவிச்சந்திரன்
பஹிரா திரைப்படம் உருவாவதற்கு முக்கிய காரணம் பிரபு தேவா மாஸ்டர் தான். அவரிடம் சீன் சொல்லி நடிக்க சொல்ல பயமாக இருந்தது. என் பயத்தை போக்கினார். பஹிரா படத்தின் கடைசி 7 நாட்களை என்னால் மறக்க முடியாது என்றார்.