சினிமா
கமல்ஹாசன்

மாஸான புகைப்படத்துடன் முக்கிய அப்டேட்டை வெளியிட்ட ‘விக்ரம்’ படக்குழு

Published On 2021-10-03 08:43 GMT   |   Update On 2021-10-03 08:43 GMT
லோகேஷ் கனகராஜ் இயக்கத்தில் கமல், விஜய் சேதுபதி, பகத் பாசில் நடிப்பில் உருவாகும் விக்ரம் படத்தின் முக்கிய அப்டேட் வெளியாகி உள்ளது.
மாநகரம், கைதி, மாஸ்டர் என ஹாட்ரிக் ஹிட் படங்களை கொடுத்த லோகேஷ் கனகராஜ் அடுத்ததாக இயக்கும் படம் ‘விக்ரம்’. நடிகர் கமல்ஹாசன் ஹீரோவாக நடிக்கும் இப்படத்தில் விஜய் சேதுபதி, பகத் பாசில் ஆகியோர் வில்லனாக நடிக்கின்றனர். மேலும் சிவானி, நரேன், காளிதாஸ் ஜெயராம் ஆகியோர் முக்கிய கதாபாத்திரங்களில் நடிக்கின்றனர். 

அனிருத் இசையமைக்கும் இப்படத்திற்கு கிரீஷ் கங்காதரன் ஒளிப்பதிவு செய்கிறார். இப்படத்தை நடிகர் கமல்ஹாசன் தனது சொந்த தயாரிப்பு நிறுவனமான ராஜ்கமல் பிலிம்ஸ் நிறுவனம் மூலம் தயாரிக்கிறார். இப்படத்தின் படப்பிடிப்பு விறுவிறுப்பாக நடைபெற்று வருகிறது.


விக்ரம் படக்குழு வெளியிட்ட புகைப்படம்

இந்நிலையில், ‘விக்ரம்’ படத்தின் இரண்டாம் கட்ட படப்பிடிப்பு முடிவடைந்துள்ளதாக அறிவித்துள்ள படக்குழு, படப்பிடிப்பு தளத்தில் எடுத்த புகைப்படம் ஒன்றையும் பகிர்ந்துள்ளனர். அதில் ஸ்டண்ட் மாஸ்டர் அன்பறிவு, ஒளிப்பதிவாளர் கிரீஷ் கங்காதரன், இயக்குனர் லோகேஷ் கனகராஜ் ஆகியோர் நின்றபடி இருக்க, நடிகர் கமல்ஹாசன் பைக்கில் கெத்தாக அமர்ந்திருக்கிறார். இந்த புகைப்படம் சமூக வலைதளங்களில் வைரலாகி வருகிறது.
Tags:    

Similar News