சினிமா
ஆர்.கே.சுரேஷ் - மது தம்பதியினருக்கு குழந்தை பிறந்தது
தமிழ் சினிமாவில் நடிகராகவும், தயாரிப்பாளராகவும் வலம் வரும் ஆர்கே சுரேஷுக்கு குழந்தை பிறந்துள்ளது.
தம்பிக்கோட்டை படம் மூலம் தயாரிப்பாளராக அறிமுகமானவர் ஆர்.கே.சுரேஷ். இதையடுத்து விஜய் ஆண்டனியின் சலீம், விஜய் சேதுபதி நடித்த தர்மதுரை போன்ற படங்களை தயாரித்த அவர், கடந்த 2016-ம் ஆண்டு பாலா இயக்கத்தில் வெளியான ‘தாரை தப்பட்டை’ படம் மூலம் நடிகராக அவதாரமெடுத்தார். பின்னர் மருது, ஸ்கெட்ச், பில்லா பாண்டி, நம்ம வீட்டு பிள்ளை உள்ளிட்ட பல படங்களில் நடித்துள்ளார்.
நடிகர் ஆர்.கே. சுரேஷுக்கும், சினிமா பைனான்சியரான மது என்பவருக்கும் கடந்த ஆண்டு திருமணம் நடைபெற்றது. இந்நிலையில் இவர்களுக்கு அழகிய பெண் குழந்தை பிறந்துள்ளது. இதை நடிகர் ஆர்.கே.சுரேஷ் தனது சமூக வலைத்தள பக்கத்தில் தெரிவித்துள்ளார்.