வலிமை படத்தில் அஜித்தின் புதிய முயற்சி

அஜித் நடிப்பில் ஹெச் வினோத் இயக்கத்தில் உருவாகியுள்ள திரைப்படம் வலிமை. தயாரிப்பாளர் போனி கபூர் தயாரிக்கும் இந்த படத்திற்கு யுவன் ஷங்கர் ராஜா இசையமைத்து வருகிறார். இந்த படத்தில் நடிகர் அஜித்திற்கு ஜோடியாக நடிகை ஹுமா குரேஷி நடித்துள்ளார். 

வலிமை படத்திற்கான பர்ஸ்ட் லுக் போஸ்டர் வருகின்ற மே 1ஆம் தேதி அஜித் பிறந்த நாளை முன்னிட்டு வெளியாக இருக்கிறது. இந்நிலையில், வலிமை படத்தில் அஜித் புதிய முயற்சியை கையாண்டிருப்பதாக தகவல்கள் தெரிவிக்கின்றன.

வலிமை படத்தில் முதன்முறையாக அஜித் ஒரு பஸ்ஸை ஓட்டிச் சென்றதாக கூறப்படுகிறது. 'வலிமை' படத்தில் இடம்பெறும் ஒரு சேஸிங் காட்சியில் அஜித் ஒரு பஸ்ஸை ஓட்டி வந்ததாகக் கூறப்படுகிறது. இது 'வலிமை' படத்தின் மாஸ் காட்சிகளில் ஒன்றாக இருக்கும் எனவும், இந்தக் காட்சியை பார்க்கும் ரசிகர்கள் தியேட்டரில் கொண்டாடுவார்கள் எனவும் கூறப்படுகிறது.