சினிமா
அமீர்கான் படத்தில் விஜய் சேதுபதிக்கு பதிலாக நடிக்கப்போவது யார் தெரியுமா?
அமீர்கான் நடிப்பில் உருவாகும் ‘லால் சிங் சட்டா’ திரைப்படத்தில் பிரபல நடிகர் முக்கிய கதாபாத்திரத்தில் நடிக்க உள்ளாராம்.
ஹாலிவுட்டில் பிரபலமான திரைப்படம் ‘பாரஸ்ட் கம்ப்’. இந்த படம் தற்போது இந்தியில் ரீமேக் செய்யப்பட்டு வருகிறது. ‘லால் சிங் சட்டா’ என பெயரிடப்பட்டுள்ள இப்படத்தில் அமீர் கான் நாயகனாக நடிக்கிறார். அவருக்கு ஜோடியாக கரீனா கபூர் நடிக்கிறார். மேலும் இதில் அமீர் கானின் நண்பராக நடிக்க ஒப்பந்தமான விஜய் சேதுபதி, பின்னர் கால்ஷீட் பிரச்சனை காரணமாக அப்படத்தில் இருந்து விலகினார்.
இந்நிலையில், அக்கதாபாத்திரத்தில் நடிக்கப்போவது யார் என்பது குறித்த தகவல் வெளியாகி உள்ளது. அதன்படி பிரபல தெலுங்கு நடிகரும், நடிகை சமந்தாவின் கணவருமான நாகசைதன்யா தான் அந்த கதாபாத்திரத்தில் நடிக்க உள்ளதாக கூறப்படுகிறது. இந்தப் படத்தில் அமீர்கான், நாகசைதன்யா இருவருமே ராணுவ வீரர்களாக நடிக்க உள்ளார்கள் என்பது குறிப்பிடத்தக்கது.