ஸ்கை டைவிங் செய்து அசத்திய நடிகை யாஷிகா - வைரலாகும் வீடியோ

கவலை வேண்டாம் படம் மூலம் தமிழில் நடிகையாக அறிமுகமானவர் யாஷிகா ஆனந்த். இவர் கவர்ச்சியாக நடித்த இருட்டு அறையில் முரட்டு குத்து திரைப்படம் அவருக்கு திருப்புமுனையாக அமைந்தது. மேலும் இவர் பாடம், துருவங்கள் பதினாறு, ஜாம்பி உள்ளிட்ட படங்களிலும் நடித்து இருக்கிறார். கமல் தொகுத்து வழங்கிய பிக்பாஸ் நிகழ்ச்சியில் பங்கேற்று மிகவும் பிரபலமானார். 

தற்போது கடமையை செய், ராஜபீமா, பாம்பாட்டம், சல்பர் போன்ற படங்களை கைவசம் வைத்துள்ளார். சமூக வலைத்தளங்களில் ஆக்டிவாக இருக்கும் யாஷிகா அவ்வப்போது வீடியோக்களையும், புகைப்படங்களையும் பதிவிட்டு வருகிறார்.

அந்த வகையில், தற்போது துபாய் சென்றுள்ள யாஷிகா, அங்கு பறக்கும் விமானத்தில் இருந்து குதிக்கும் சாகச விளையாட்டான ஸ்கை டைவிங் செய்து அசத்தியுள்ளார். அப்போது எடுத்த வீடியோவையும் அவர் பதிவிட்டுள்ளார். நடிகை யாஷிகா, சற்றும் பயமின்றி ஸ்கை டைவிங் செய்தது பலரையும் ஈர்த்துள்ளது. அந்த வீடியோ தற்போது வைரலாகி வருகிறது.