சினிமா
குதிரையுடன் போட்டோஷூட் நடத்திய பிக்பாஸ் பிரபலம்- வைரலாகும் புகைப்படம்
பிக்பாஸ் பிரபலம் ஒருவர் குதிரையுடன் நடத்திய போட்டோஷூட் புகைப்படங்கள் சமூக வலைதளங்களில் வைரலாகி வருகிறது.
நடிகை டிகங்கனா சூர்யவன்ஷி இந்தியில் பிக்பாஸ் 9-வது சீசனில் போட்டியாளராகப் பங்கு பெற்றார். பல்வேறு தொலைக்காட்சி நிகழ்ச்சிகளில் பங்குபெற்ற இவர் பின்னர் சினிமாவில் நுழைந்தார். தமிழில் ஹரிஷ் கல்யாண் நடிப்பில் வெளியான ‘தனுசு ராசி நேயர்களே படத்தில் இவர் கதாநாயகியாக நடித்திருந்தார்.
தற்போது இந்தி மற்றும் தெலுங்கில் சில படங்களில் நடித்து வருகிறார். மற்ற வளரும் நடிகைகளைப் போல டிகங்கனாவும் அதிக போட்டோஷூட்கள் நடத்தி புகைப்படங்கள் வெளியிட்டு வருகிறார். தற்போது குதிரையுடன் அவர் நடத்தியுள்ள போட்டோஷூட் இணையத்தில் வைரலாகி வருகிறது.