சினிமா
பரத், சல்மான் கான்

சல்மான் கான் - பரத் நடித்துள்ள ‘ராதே’ படத்தின் ரிலீஸ் தேதி அறிவிப்பு

Published On 2021-03-13 10:20 GMT   |   Update On 2021-03-13 10:20 GMT
நடிகர் பரத் பாலிவுட்டில் அறிமுகமாகும் ராதே படத்தை பிரபுதேவா இயக்கி உள்ளார், சல்மான் கான் இப்படத்தில் ஹீரோவாக நடித்துள்ளார்.
பாலிவுட்டில் பிரம்மாண்டமாக உருவாகி இருக்கும் படம் ‘ராதே’. பிரபுதேவா இயக்கும் இப்படத்தில் சல்மான் கான் ஹீரோவாக நடித்துள்ளார். இப்படத்தில் நடிகர் பரத்தும் முக்கிய கதாபாத்திரத்தில் நடித்துள்ளார். அவர் நடிக்கும் முதல் பாலிவுட் படம் இதுவாகும். ராதே படத்தின் படப்பிடிப்பு முடிந்து பின்னணி பணிகள் மும்முரமாக நடைபெற்று வருகிறது.

இப்படத்தை கடந்தாண்டு ரம்ஜான் பண்டிகையன்று வெளியிட திட்டமிட்டிருந்தனர். கொரோனா அச்சுறுத்தல் காரணமாக திரையரங்குகள் மூடப்பட்டதால் படம் ரிலீசாகவில்லை. 

இதனிடையே படத்தை ஓடிடி-யில் வெளியிட பேச்சுவார்த்தை நடைபெற்று வருவதாக கூறப்பட்டதால் திரையரங்க உரிமையாளர்கள் அதிர்ச்சி அடைந்தனர். படத்தை திரையரங்குகளில் தான் வெளியிட வேண்டும் என கோரிக்கை வைத்தனர்.



பின்னர் திரையரங்க உரிமையாளர்களின் கோரிக்கையை ஏற்று ராதே படத்தை திரையரங்குகளில் தான் வெளியிடுவேன் என சல்மான் கான் கடந்த சில மாதங்களுக்கு முன்பு அதிரடி அறிவிப்பு ஒன்றை வெளியிட்டார்.

இந்நிலையில், ராதே படத்தின் அதிகாரப்பூர்வ ரிலீஸ் தேதி அறிவிக்கப்பட்டுள்ளது. அதன்படி வருகிற மே 13-ந் தேதி ரம்ஜான் பண்டிகையையொட்டி இப்படம் திரையங்குகளில் வெளியாகும் என அறிவிக்கப்பட்டுள்ளது.
Tags:    

Similar News