சினிமா
தமிழ் திரையுலகில் முன்னணி நடிகர்களாக வலம் வரும் சிம்புவும், விக்ரமும் நடித்த படங்கள் ஒரே நாளில் ரிலீசாக உள்ளதாக கூறப்படுகிறது.
வெங்கட் பிரபு இயக்கத்தில் சிம்பு நடிக்கும் படம் மாநாடு. சுரேஷ் காமாட்சி தயாரிக்கும் இப்படத்தில் சிம்புவுக்கு ஜோடியாக கல்யாணி பிரியதர்ஷன் நடிக்கிறார். யுவன் சங்கர் ராஜா இசையமைக்கிறார். இப்படத்தின் படப்பிடிப்பு இறுதிக்கட்டத்தை எட்டியுள்ளது. விரைவில் படப்பிடிப்பு முடிந்ததும், பின்னணி வேலைகளை வேகமாக முடித்து, படத்தை ரம்ஜான் பண்டிகையை ஒட்டி ரிலீஸ் செய்ய திட்டமிட்டுள்ளனர்.
அதேபோல் விக்ரம் நடிப்பில் உருவாகி உள்ள கோப்ரா படத்தை அதே தினத்தில் வெளியிட உள்ளதாக கூறப்படுகிறது. கோப்ரா படத்தை அஜய் ஞானமுத்து இயக்கி உள்ளார். இதில் விக்ரமுக்கு ஜோடியாக ஸ்ரீநிதி ஷெட்டி நடித்துள்ளார். முன்னாள் இந்திய கிரிக்கெட் வீரர் இர்பான் பதான் வில்லனாக நடித்துள்ளார். ஏ.ஆர்.ரகுமான் இசையமைக்கிறார். இப்படத்தின் இறுதிக்கட்ட படப்பிடிப்பு ரஷ்யாவில் நடைபெற்று வருகிறது.