சினிமா
நடிகை ஹூமா குரேஷிக்கு பைக் ஓட்ட கற்றுத்தந்த அஜித்
அஜித் எனக்கு பைக் ஓட்டுவதற்கான சில டிப்ஸ்கள் கொடுத்தார், அவர் சொன்னபடி பைக் ஓட்டி கைதட்டல்களை வாங்கினேன் என நடிகை ஹூமா குரேஷி தெரிவித்துள்ளார்.
அஜித்-எச்.வினோத் கூட்டணியில் தற்போது வலிமை படம் உருவாகி வருகிறது. இந்தப் படத்திற்கு யுவன் ஷங்கர் ராஜா இசையமைத்து வருகிறார். போனி கபூர் தயாரிக்கும் இந்த படத்தில் பாலிவுட் நடிகை ஹூமா குரேஷி கதாநாயகியாக நடிக்கிறார். இவர் தமிழில் ஏற்கனவே ரஜினி உடன் ‘காலா’ படத்தில் நடித்துள்ளார். வலிமை படத்திற்காக இவர் பெரிய ரக பைக் ஓட்டுவதற்குக் கற்றுக் கொண்டார்.
சமீபத்திய பேட்டியில், வலிமை படம் குறித்து கேட்கப்பட்ட கேள்விகளுக்கு அவர் பதிலளித்துள்ளார். அஜித்திற்கு இணையாக பைக் ஓட்டினீர்களா என்ற கேள்விக்கு “நான் படத்தில் நடிப்பதற்காக மட்டுமே பைக் ஓட்டக் கற்றுக் கொண்டேன். அஜித் பைக் ஓட்டுவதில் கில்லாடி. அவர் எனக்கு பைக் ஓட்டுவதற்கான சில டிப்ஸ்கள் சொல்லிக்கொடுத்தார். அவர் சொல்லிக்கொடுத்தது போல் பைக் ஓட்டி கைதட்டல்களை வாங்கினேன்” என்று தெரிவித்துள்ளார்.