ரஜினி, விஜய்க்கு வில்லனாக நடிக்க தயார் - பிரபல நடிகர்

துருவா சர்ஜா அளித்த பேட்டியில் கூறியதாவது, ’சின்ன வயசுல இருந்து சென்னைக்கு வந்துட்டு இருக்கேன். எப்பவும் சென்னை பிடிக்கும். முதல் முறையாக என்னோட படம் 'செம திமிரு' தமிழ்ல டப் ஆகுறது சந்தோஷத்தைக் கொடுக்குது. முக்கியமா, என்னோட தாய் மாமா அர்ஜூன் தமிழ் உரிமையை வாங்கி வெளியிடுகிறார்.'' 'சிவா' என்னும் கேரக்டர்ல நடிச்சிருக்கேன். முழுக்க முழுக்க வில்லத்தனம் நிறைஞ்ச கேரக்டர். படத்தோட கடைசி வரைக்குமே வில்லனா மட்டும்தான் இருப்பேன். இருந்தும், படத்தோட ஹீரோ நான்தான். 

படத்துல இன்டர்நேஷனல் பாடி பில்டர்ஸ் கூடவும் சேர்ந்து நடிச்சிருக்கேன். மாமா அர்ஜூனுடைய படங்கள் பார்த்துதான் தமிழ் பேச கத்துக்கிட்டேன். 'முதல்வன்', 'ஜென்டில்மேன்', 'சேவகன்', 'பிரதாப்' படமெல்லாம் பார்த்திருக்கேன். இயக்குநர் பாலா மற்றும் செல்வராகவனின் படங்கள் பிடிக்கும். சீக்கிரமே தமிழ்ல நடிக்கவும் ரெடியா இருக்கேன். 

ரஜினி, விஜய்யுடன் நடிக்கும் வாய்ப்பு வந்தால் வில்லனாக நடிக்கவும் தயார். முக்கியமாக மாமாவுடைய டைரக்‌ஷன்ல நடிக்க ஆசை. ஏன்னா, அவர் படத்தோட திரைக்கதை வடிவம் நல்லாயிருக்கும். ஆனா, மாமா ஷூட்டிங் ஸ்பாட்ல நின்னா அவர் முன்னாடி நின்று நடிப்பதற்கு தயக்கமாக பீல் பண்ணுவேன்.'' இவ்வாறு அவர் பேட்டி அளித்தார்.