சினிமா
சிவகார்த்திகேயன் படத்தில் ரஜினி முருகன் கூட்டணி
சிவகார்த்திகேயன் நடிக்கும் புதிய படத்தில் எஸ்.ஜே.சூர்யாவை தொடர்ந்து மேலும் இரண்டு நடிகர்கள் இணைந்து இருக்கிறார்கள்.
சிவகார்த்திகேயன் நடிப்பில் சிபிசக்கரவர்த்தி இயக்க இருக்கும் ‘டான்’ திரைப்படத்தின் அறிவிப்பு இன்று வெளியாகி கொண்டிருக்கிறது. முதலாவதாக இந்த படத்தில் சிவகார்த்திகேயன் ஜோடியாக நடிக்க ’டாக்டர்’ படத்தின் நாயகி பிரியங்கா மோகன் ஒப்பந்தம் செய்யப்பட்டார்.
அடுத்ததாக இந்த படத்தின் வில்லனாக எஸ் ஜே சூர்யா நடிக்க இருப்பதாக அறிவிப்பு வெளியானது.
இந்த நிலையில் நடிகர்கள் சூரி மற்றும் சமுத்திரக்கனி ஆகிய இருவரும் இந்த படத்தில் இணைந்திருப்பதாக அடுத்தடுத்து அறிவிப்புகள் வெளியாகி இருக்கிறது. நடிகர்கள் சூரியும் சமுத்திரகனியும் இதற்கு முன் ரஜினி முருகன் படத்தில் சிவகார்த்திகேயனுடன் இணைந்து நடித்திருந்தார்கள்.