சினிமா
சூர்யா படத்தில் இணைந்த டாக்டர் நடிகை
முன்னணி நடிகராக இருக்கும் சூர்யா நடிப்பில் தற்போது உருவாகும் புதிய படத்தில் டாக்டர் நடிகை நடிக்க இருப்பதாக படக்குழுவினர் அறிவித்துள்ளனர்.
சூர்யா நடிப்பில் கடந்தாண்டு வெளியான சூரரைப் போற்று திரைப்படம் நல்ல வரவேற்பை பெற்றது. இதையடுத்து நவரசா எனும் ஆந்தாலஜி படத்தில் கவுதம் மேனன் இயக்கத்தில் நடித்த சூர்யா, அடுத்ததாக பாண்டிராஜ் இயக்கும் படத்தில் நடிக்க உள்ளார். இப்படத்தை சன் பிக்சர்ஸ் சார்பில் கலாநிதி மாறன் தயாரிக்கிறார். இப்படத்தின் ஆரம்பக்கட்ட பணிகள் விறுவிறுப்பாக நடைபெற்று வருகிறது.
இந்நிலையில், இப்படத்தில் சூர்யாவுக்கு ஜோடியாக இளம் நடிகை பிரியங்கா மோகன் நடிக்க உள்ளதாக சமீபத்தில் தகவல் வெளியானது. இந்நிலையில், பிரியங்கா மோகன் கதாநாயகியாக நடிக்க இருப்பதாக படக்குழுவினர் அறிவித்து உள்ளனர்.
தெலுங்கு, கன்னடம் போன்ற பிறமொழி படங்களில் நடித்துள்ள பிரியங்கா மோகன், தமிழில் சிவகார்த்திகேயனின் டாக்டர் படம் மூலம் ஹீரோயினாக அறிமுகமாகி உள்ளார். இப்படம் விரைவில் ரிலீசாக இருக்கிறது.
.@priyankaamohan will play the female lead in #Suriya40BySunPictures@Suriya_offl@pandiraj_dir@immancomposer#Suriya40pic.twitter.com/KYyIrdhCrH
— Sun Pictures (@sunpictures) January 28, 2021