சினிமா
அஸ்வின்

‘அஸ்வின்... நீ ஒரு லெஜண்ட் மச்சி’ - பிரபல நடிகர் புகழாரம்

Published On 2021-01-12 03:48 GMT   |   Update On 2021-01-12 03:48 GMT
ஆஸ்திரேலியாவுக்கு எதிரான 3-வது டெஸ்டில் சிறப்பாக பேட்டிங் செய்த அஸ்வினை பிரபல நடிகர் டுவிட்டரில் பாராட்டி உள்ளார்.
ஆஸ்திரேலியாவில் சுற்றுப்பயணம் மேற்கொண்டுள்ள இந்திய அணி 4 போட்டிகள் கொண்ட டெஸ்ட் தொடரில் விளையாடி வருகிறது. முதல் இரண்டு டெஸ்ட் முடிவில் இரு அணிகளும் தலா ஒரு வெற்றி பெற்று 1-1 என சமநிலையில் இருந்தது. இதையடுத்து சிட்னியில் நடைபெற்ற 3-வது டெஸ்ட் டிராவில் முடிந்தது.

இந்தப் போட்டியின் இறுதி நாளில் இந்திய வீரர்களின் ஆட்டம் பிரம்மிப்பை ஏற்படுத்தியது. 4-வது இன்னிங்சில் இந்திய அணி 130 ஓவர்களுக்கு மேல் தாக்குப்பிடித்து தோல்வியில் இருந்து தப்பியது. குறிப்பாக 6-வது விக்கெட்டுக்கு ஜோடி சேர்ந்த அஸ்வின்-ஹனுமா விஹாரி 256 பந்துகளை எதிர்கொண்டு ஆஸ்திரேலிய அணியின் வெற்றிக் கனவை தகர்த்தது.



இந்திய அணியின் இந்த ஆட்டம் கிரிக்கெட் ரசிகர்கள், திரைப் பிரபலங்கள் பலரையும் ஆச்சர்யத்தில் ஆழ்த்தி உள்ளது. குறிப்பாக அஸ்வின் - விஹாரிக்கு பாராட்டுக்கள் குவிந்த வண்ணம் உள்ளன. அந்த வகையில் நடிகர் சித்தார்த் அஸ்வினை பாராட்டி பதிவிட்டுள்ளதாவது: “நீ ஒரு லெஜண்ட் அஸ்வின். என்ன ஒரு தரமான அணுகுமுறை. என்னை பொருத்தவரை நீ தான் ஆட்டநாயகன். லெஜண்ட் மச்சி நீ” என கூறியுள்ளார். இதைப்பார்த்த அஸ்வின் நன்றி மச்சி என பதிலளித்துள்ளார்.
Tags:    

Similar News