‘தளபதி 65’ படத்தின் கதை இதுவா? - வைரலாக பரவும் தகவல்

நடிகர் விஜய்யின் 65-வது படத்தை நெல்சன் இயக்க உள்ளார். சன் பிக்சர்ஸ் நிறுவனம் தயாரிக்க உள்ள இப்படத்திற்கு அனிருத் இசையமைக்கிறார். தற்போது இந்த படத்தின் முதற்கட்டப் பணிகள் விறுவிறுப்பாக நடைபெற்று வருகிறது. 

இந்நிலையில் ‘தளபதி 65’ படத்தின் கதை குறித்த தகவல்கள் சமூக வலைதளங்களில் கசிந்துள்ளது. அதன்படி நெல்சன் இயக்கத்தில் சிம்பு நடித்து கைவிடப்பட்ட ‘வேட்டை மன்னன்’ படத்தின் கதை தான், ‘தளபதி 65’ படத்தின் கதை என்று கூறப்படுகிறது. மேலும் அந்தக் கதையில் விஜய்க்காக ஒரு சில மாற்றங்களை நெல்சன் செய்திருப்பதாகவும் சொல்லப்படுகிறது.

இயக்குனர் நெல்சன் கடந்த 5 ஆண்டுகளுக்கு முன் சிம்புவை வைத்து ‘வேட்டை மன்னன்’ என்ற படத்தை இயக்கினார். ஒரு சில நாட்கள் மட்டுமே படப்பிடிப்பு நடந்த நிலையில், ஒரு சில காரணங்களால் படம் கைவிடப்பட்டது. இதையடுத்து நயன்தாராவை வைத்து அவர் இயக்கிய ‘கோலமாவு கோகிலா’ திரைப்படம் அவருக்கு அறிமுக படமாக அமைந்தது.