இந்திய திரைப்பட விழாவில் ‘ஒத்த செருப்பு’ திரைப்படத்துக்கு விருது

கடந்த 2019 ஆண்டில் சிறந்த திரைப்படமாக இயக்குனர் பார்த்திபனின் “ஒத்த செருப்பு” படம் தேர்வு செய்யப்பட்டுள்ளது. இதற்கான புதுவை அரசின் சங்கரதாஸ் சுவாமிகள் பெயரிலான விருதினை இயக்குனர் பார்த்திபனுக்கு முதல்- அமைச்சர் நாராயணசாமி வழங்கினார். விருதுக்கான பாராட்டு பத்திரத்துடன் ரூ.1 லட்சம் ரொக்க பரிசும் வழங்கப்பட்டது.

அதையடுத்து அலையன்ஸ் பிரான்சேஸ் கலையரங்கில் ஒத்த செருப்பு திரைப்படம் திரையிடப்பட்டது. தொடர்ந்து வருகிற 19-ந் தேதி வரை இதே அரங்கில் நாள்தோறும் மாலை 6 மணிக்கு இதர மொழித் திரைப்படங்களை இலவசமாக பார்க்கலாம்.

16-ந் தேதி வங்கமொழி திரைப்படம் ஜேஸ்தோபுத்ரா, 17-ந் தேதி மலையாளத் திரைப்படம் ஜல்லிக்கட்டு, 18-ந் தேதி தெலுங்கு திரைப்படம் எப்.2 பன் அண்டு ப்ரஸ்ட்ரேசன், 19-ந் தேதி இந்தி திரைப்படம் உரி த ஸர்ஜிகல் ஸ்ட்ரைக் ஆகிய படங்கள் திரையிடப்படுகிறது.