அஜித் பட தயாரிப்பாளரின் படத்தில் ஹீரோவாக நடிக்கும் ஹிப்ஹாப் ஆதி

இசை அமைப்பாளர், நடிகர், இயக்குனர் என பன்முகத்திறமை கொண்டவர் ஹிப்ஹாப் ஆதி. ஹிப்ஹாப் தமிழா எனும் சுயாதீன ஆல்பம் மூலம் பிரபலமான இவர், ஆம்பள படத்தின் மூலம் இசையமைப்பாளராக அறிமுகமானார். இதையடுத்து மீசைய முறுக்கு படத்தை இயக்கி நடித்தார். இப்படம் ஹிட்டானதை தொடர்ந்து இவர் நடித்த நட்பே துணை, நான் சிரித்தால் போன்ற படங்களும் நல்ல வரவேற்பை பெற்றன.

இந்நிலையில், ஹிப்ஹாப் ஆதி அடுத்ததாக நடிக்கும் படத்தின் அதிகாரப்பூர்வ அறிவிப்பு வெளியாகி உள்ளது. அதன்படி அஜித்தின் விவேகம், விஸ்வாசம் போன்ற படங்களை தயாரித்த சத்யஜோதி பிலிம்ஸ் நிறுவனம் தயாரிக்கும் படத்தில் ஹிப்ஹாப் ஆதி நாயகனாக நடிக்கிறார். இப்படத்திற்கு அன்பறிவு என பெயரிடப்பட்டுள்ளது. அஸ்வின் ராம் இயக்கும் இப்படத்தில் காஷ்மிரா நாயகியாக நடிக்கிறார். மேலும் விதார்த், நெப்போலியன், ஊர்வசி ஆகியோர் முக்கிய கதாபாத்திரங்களில் நடிக்கின்றனர்.