சினிமா
இரண்டு கதாநாயகிகளுக்கு ஜோடியாகும் சசிகுமார்
சசிகுமார் நடிக்கும் புதிய படத்தில் அவருக்கு ஜோடியாக இரண்டு கதாநாயகிகள் நடிக்க ஒப்பந்தம் ஆகி இருக்கிறார்கள்.
இயக்குனர், நடிகர், தயாரிப்பாளர் என பன்முகத்திறமை கொண்டவர் சசிகுமார். இவர் தற்போது நடிப்பில் கவனம் செலுத்தி வருகிறார். தொடர்ந்து ஏராளமான படங்களில் நடிக்க ஒப்பந்தமாகி உள்ளார். இவர் கைவசம் கொம்புவச்ச சிங்கம்டா, எம்ஜிஆர் மகன், ராஜவம்சம், நாநா, முந்தானை முடிச்சு 2 ஆகிய படங்கள் உள்ளன. பிசியான நடிகராக வலம்வருகிறார்.
தற்போது அனிஸ் இயக்கும் புதிய படத்தில் சசிகுமார் கதாநாயகனாக நடிக்கிறார். இதில் பிந்து மாதவி மற்றும் வாணி போஜன் ஆகியோர் கதாநாயகிகளாக நடிக்கிறார்கள். 4 மன்கிஸ் ஸ்டுடியோ தயாரிக்கும் இப்படத்திற்கு “பகைவனுக்கு அருள்வாய்” என்று பெயர் வைத்திருக்கிறார்கள்.
இப்படத்தின் படப்பிடிப்பு இன்று பூஜையுடன் தொடங்கியுள்ளது. இதில் படக்குழுவினர் பலரும் கலந்துக் கொண்டனர்.