சசிகுமாருக்கு ஜோடியாகும் வாணி போஜன்?

இயக்குனர், நடிகர், தயாரிப்பாளர் என பன்முகத்திறமை கொண்டவர் சசிகுமார். இவர் தற்போது நடிப்பில் கவனம் செலுத்தி வருகிறார். தொடர்ந்து ஏராளமான படங்களில் நடிக்க ஒப்பந்தமாகி உள்ளார். இவர் கைவசம் கொம்புவச்ச சிங்கம்டா, எம்ஜிஆர் மகன், ராஜவம்சம், நாநா, முந்தானை முடிச்சு 2 ஆகிய படங்கள் உள்ளன. பிசியான நடிகராக வலம்வருகிறார்.  

இந்நிலையில் இவர் நடிக்கும் புதிய படம் குறித்த தகவல் வெளியாகி உள்ளது. அதன்படி, ஜெய், நஸ்ரியா நடிப்பில் வெளியாகிய திருமணம் எனும் நிக்கா படத்தை இயக்கிய அனீஷ் அடுத்ததாக இயக்கும் படத்தில் சசிகுமா ஹீரோவாக நடிக்கிறார். இப்படத்தில் அவருக்கு ஜோடியாக வாணி போஜன் நடிக்க உள்ளதாக தகவல் வெளியாகி உள்ளது. விரைவில் இதுகுறித்த அறிவிப்பு வெளியாகும் என எதிர்பார்க்கப்படுகிறது.