ஈஸ்வரன் படத்தின் புதிய அறிவிப்பை வெளியிட்ட சிலம்பரசன்

சிம்புவின் 46-வது படத்தை சுசீந்திரன் இயக்கி வருகிறார். படத்துக்கு ஈஸ்வரன் என்று பெயர் வைத்துள்ளனர். இந்த படத்துக்காக சிம்பு தனது உடல் எடையை 30 கிலோ வரை குறைத்து இருக்கிறார். சிம்பு மெலிந்த தோற்றத்துடன் இருக்கும் போஸ்டர் வெளியாகி ரசிகர்கள் மத்தியில் வரவேற்பை பெற்றது.

ஒரே மாதத்தில் இதன் படப்பிடிப்பை படக்குழுவினர் முடித்துள்ளனர். மேலும் சமீபத்தில் இதன் டீசர் வெளியாகி சமூக வலைத்தளத்தில் டிரெண்டானது. தற்போது இப்படத்தின் முதல் பாடலை 14.12.2020 அன்று வெளியிட இருப்பதாக நடிகர் சிலம்பரசன் சமூக வலைத்தளத்தில் அறிவித்து இருக்கிறார். இப்படம் பொங்கல் தினத்தில் வெளியாக இருக்கிறது.