சினிமா
இரண்டாம் குத்து படத்தின் ரிலீஸ் தேதி அறிவிப்பு
இருட்டு அறையில் முரட்டு குத்து படத்தின் வரவேற்பை தொடர்ந்து உருவாகி இருக்கும் இரண்டாம் குத்து படத்தின் ரிலீஸ் தேதியை படக்குழுவினர் வெளியிட்டுள்ளனர்.
ஆபாசம், இரட்டை அர்த்த வசனங்கள் நிறைந்த படம் ‘இருட்டு அறையில் முரட்டு குத்து’ . இப்படத்தை இயக்கிய சந்தோஷ் பி.ஜெயக்குமார் தற்போது மீண்டும் ஒரு அடல்ட் காமெடி ஹாரர் படத்தை இயக்கியுள்ளார். இந்த படத்திற்கு இரண்டாம் குத்து என பெயர் வைத்துள்ளனர். இருப்பினும் இது அந்த படத்தின் தொடர்ச்சியாக இருக்காது என்றும் இது வேறு கதை எனவும் இயக்குனர் தெரிவித்து உள்ளார்.
இப்படத்தின் மூலம் இயக்குனர் சந்தோஷ் பி.ஜெயக்குமார் ஹீரோவாக அறிமுகமாகிறார். பிக்பாஸ் டேனியல், சாம்ஸ், ஷாலு ஷம்மு ஆகியோர் முக்கிய கதாபாத்திரத்தில் நடித்துள்ளனர். பிரசாத் இசையமைத்துள்ள இப்படத்திற்கு பல்லு ஒளிப்பதிவு செய்துள்ளார். படத்தொகுப்பு பணிகளை பிரசன்னா கவனிக்கிறார்.
இந்நிலையில் இப்படத்தை தீபாவளி அன்று வெளியிட இருப்பதாக படக்குழுவினர் அறிவித்துள்ளனர். இன்று முதல் திரையரங்குகள் திறக்கப்பட்டதால் இந்த அறிவிப்பை படக்குழுவினர் வெளியிட்டுள்ளனர். மேலும் இந்த படத்திற்கு ஏ சான்றிதழ் வழங்கப்பட்டுள்ளது.