சினிமா
பாலாஜியின் சிரிப்பை நிறுத்திய கமல்
பிக் பாஸ் சீசன் 4 நிகழ்ச்சியில் பல பிரச்சனைகள் நடந்து வரும் நிலையில் பாலாவின் சிரிப்பை நிறுத்த சொல்லி கமல் பேசும் வீடியோ வைரலாகி வருகிறது.
நடிகர் கமல்ஹாசன் தொகுத்து வழங்கும் பிக் பாஸ் சீசன் 4 நிகழ்ச்சி கடந்த அக்டோபர் மாதம் முதல் தொடங்கி நடைபெற்று வருகிறது. சமீபத்தில் வைல்ட் கார்ட் என்ட்ரியாக அர்ச்சனாவும், பாடகி சுசித்ராவும் இணைந்தனர். ரேகா, பாடகர் வேல் முருகன் ஆகியோர் வெளியேற்றப்பட்டனர்.
தற்போது பிக்பாஸ் நிகழ்ச்சி பல திருப்பங்களுடன் விறுவிறுப்பாக நடந்து கொண்டிருக்கிறது. இந்த வாரம் பேசுவதற்கும், குறும்படம் காட்டுவதற்கும் பல விஷயங்கள் இருக்கின்றன.
இந்நிலையில் முதலாவது சனம் பாலாஜி பிரச்சினையை கையில் எடுக்கிறார் கமல். அதன்பிறகு அந்த ஒரு வார்த்தையை குறித்து விசாரிக்கிறார். பாலாஜியை சிரிக்க வேண்டாம் என்று கூறியும், அதன் பிறகு அவரிடம் விளக்கம் கேட்கவும் செய்கிறார். தற்போது அந்த வீடியோ வெளியாகி வைரலாகி வருகிறது.