சினிமா
நிதி அகர்வாலுடன் தடம் பதிக்க தயாரான உதயநிதி ஸ்டாலின்
சிறந்த கதைகளை தேர்வு செய்து நடித்து வரும் உதயநிதி ஸ்டாலின் அடுத்ததாக தடம் பட இயக்குனருடன் இணைந்துள்ளார்.
பல பிரம்மாண்ட வெற்றிப் படங்களைத் தயாரித்துள்ள உதயநிதி ஸ்டாலினின் ரெட் ஜெயன்ட் மூவிஸ் தற்போது பிரபல இயக்குநர் மகிழ் திருமேனி இயக்கத்தில் உதயநிதி ஸ்டாலின் நடிக்கும் புதிய படமொன்றை பிரம்மாண்டமாகத் தயாரிக்கின்றது.
ரெட் ஜெயன்ட் மூவிஸ் நிறுவனம் தயாரிக்கும் இந்த புதிய படத்தின் பணிகள் இன்று முதல் துவங்கப்பட்டுள்ளது.
‘தடம்’ வெற்றிப் படத்தை இயக்கிய மகிழ் திருமேனி, ‘சைக்கோ’ வெற்றிப் படத்தில் நடித்த உதயநிதி ஸ்டாலின், இவர்கள் இருவரும் முதன் முறையாக இணையும் இப்படம் பலரின் எதிர்பார்ப்பைக் கூட்டியுள்ளது.
இப்படத்தின் நாயகியாக நிதி அகர்வால் நடிக்கின்றார். அரோல் கரோலி இப்படத்திற்கு இசையமைக்கிறார். மற்ற நடிகர் நடிகைகள் பட்டியலை விரைவில் படக்குழுவினர் வெளியிட இருக்கிறார்கள்.