லோகேஷ் கனகராஜ் இயக்கத்தில் விஜய் நடிப்பில் உருவாகி இருக்கும் மாஸ்டர் திரைப்படத்தை பற்றி மீண்டும் ஒரு வதந்தி பரவி வந்ததைக் கண்டு ரசிகர்கள் அதிர்ச்சியடைந்துள்ளனர்.
மாஸ்டர் படத்தில் விஜய்
விஜய், விஜய் சேதுபதி இணைந்து நடித்திருக்கும் படம் மாஸ்டர். லோகேஷ் கனகராஜ் இயக்கியுள்ள இப்படத்தில் மாளவிகா மோகனன், அர்ஜூன் தாஸ், சாந்தனு, மகேந்திரன், ஆண்ட்ரியா, ரம்யா உள்ளிட்ட பலர் நடித்துள்ளார்.
இப்படம் ஏப்ரம் மாதம் திரைக்கு வர இருந்தது. கொரோனா ஊரடங்கு உத்தரவு காரணமாக படத்தின் ‘ரிலீஸ்’ தேதி தள்ளிப்போய் இருக்கிறது. தியேட்டர்கள் மூடப்பட்டுள்ளதால் சில படங்கள் ஓடிடி தளத்தில் வெளியாகி வருகிறது. அந்த வரிசையில், மாஸ்டர் திரைப்படமும் ஓடிடி தளத்தில் வெளியாக இருக்கிறது என்று செய்திகள் வெளியானது.
இதை படக்குழுவினர் மறுத்தனர். மாஸ்டர் திரைப்படம் தியேட்டரில் தான் வெளியாகும் என்று அதிகாரப்பூர்வமாக படக்குழுவினர் அறிவித்தனர். இந்நிலையில், தியேட்டர்கள் திறக்க இன்னும் காலம் ஆகும் என்று கூறி, மாஸ்டர் திரைப்படம் ஓடிடி தளத்தில் வெளியாக இருக்கிறது என்று மீண்டும் செய்திகள் வெளியானது. இது ரசிகர்களிடையே அதிர்ச்சியை ஏற்படுத்தியது.
இதனையடுத்து தற்போது மீண்டும் விளக்கம் அளித்த படக்குழுவினர் ’மாஸ்டர்’ திரைப்படம் திரையரங்குகளில் மட்டுமே ரிலீஸ் ஆகும். வதந்திகளை நம்ப வேண்டாம் என்று கூறியிருக்கிறார்கள்.
Related Tags :