சுதந்திர தினத்தில் புதிய ஆல்பத்தை வெளியிடும் ஹிப்ஹாப் ஆதி

2012-ல் வெளிவந்த ‘ஹிப்ஹாப் தமிழா’ என்ற ஆல்பம் மூலம் பிரபலமானவர் ஹிப்ஹாப் ஆதி. இதைத் தொடர்ந்து பல படங்களுக்கு இசையமைத்து வந்த ஆதி, மீசையை முறுக்கு படம் மூலம் நடிகரானார். இப்படம் ரசிகர்களிடம் வரவேற்பு பெறவே நட்பே துணை, நான் சிரித்தால் ஆகிய படங்கள் நடித்தார். தற்போது தமிழ் சினிமாவில் இசையமைப்பாளராகவும் நடிகராகவும் வலம் வந்து கொண்டிருக்கிறார்.

இந்நிலையில், ஹிப்ஹாப் ஆதி வரும் சுதந்திர தினத்தன்று திரைப்படங்கள் சாராத சுதந்திர இசையுலகில் ‘நான் ஒரு ஏலியன்’ (Naa oru Alien) என்ற ஆல்பத்தை வெளியிட இருக்கிறார். முதல் பாடல் ஆகஸ்ட் 6ம் தேதியும், முழு ஆல்பம் ஆகஸ்ட் 15ம் தேதியும் வெளியாக இருக்கிறது. இதற்கான போஸ்டர் தற்போது வெளியாகி வைரலாகி வருகிறது.