விஜய் பாடலுக்கு நடனம் ஆடி அசத்திய பிரபல பாலிவுட் நடிகை

விஜய் நடிப்பில் உருவாகியுள்ள ‘மாஸ்டர்’ திரைப்படம் ஏப்ரல் 9-ம் தேதி வெளியாக இருந்த நிலையில், ஊரடங்கு காரணமாக திட்டமிட்டபடி வெளியாகவில்லை. ஊரடங்கு முடிந்த பிறகு வெளியாக இருக்கிறது.

 ‘டிக்டாக்‘ சமூக வலைத்தளத்தில் இப்படத்தின் இசை வெளியீட்டு விழாவில் நடிகர் விஜய், ஆடியது போல பலரும் ஆடி வீடியோ வெளியிட்டு வருகின்றனர்.
இந்நிலையில், பாலிவுட் நடிகை ஷில்பா ஷெட்டி, ‘வாத்தி கம்மிங்’ பாடலுக்கு நடனமாடி வீடியோ ஒன்றை சமூக வலைத்தளத்தில் பகிர்ந்துள்ளார். அந்த வீடியோ தற்போது விஜய் ரசிகர்கள் இடையே வைரலாகி உள்ளது. ஷில்பா ஷெட்டி ‘குஷி’ படத்தில் விஜய்யுடன் சேர்ந்து நடித்திருந்தார் என்பது குறிப்பிடத்தக்கது.