கொரோனாவால் ஜிம்முக்கு போக முடியவில்லையா... கத்ரீனா கைஃப் சொல்லும் டிப்ஸ்

கொரோனா வைரஸ் பாதிப்பு நாளுக்கு நாள் இந்தியாவில் அதிகரித்துக் கொண்டே வருகிறது. இதுவரை இந்தியாவில் 3 பேர் இறந்துள்ளனர். இந்நிலையில் கொரோனா வைரஸ் பாதிப்பால் பெரும்பாலான நிறுவனங்கள் மூடப்பட்டு ஊழியர்களை வீட்டில் இருந்தே வேலை செய்ய நிறுவனங்கள் அறிவுறுத்தி உள்ளன.

இந்தியாவில் பள்ளி, தியேட்டர், மால், ஜிம் என மக்கள் அதிகம் கூடும் இடங்கள் எல்லாம் தற்போது மூடப்பட்டுள்ளன. இந்நிலையில் பாலிவுட் நடிகை கத்ரீனா கைஃப், தற்போதைய சூழ்நிலையில் உடற்பயிற்சிகளை வீட்டில் இருந்தபடியே எவ்வாறு தொடரலாம் என்பது குறித்து தன்னுடைய சமூக வலைத்தள பக்கத்தில் வீடியோ ஒன்றை வெளியிட்டுள்ளார்.

இந்த வீடியோவில் பிரபல உடற்பயிற்சியாளருடன் கத்ரீனா இணைந்து சில உடற்பயிற்சிகளை செய்து காட்டுகிறார். மேலும் அந்த பதிவில், “கொரோனாவால் ஜிம்முக்கு போக முடியவில்லை. அதனால் நானும் பயிற்சியாளரும் வீட்டில் செய்த உடற்பயிற்சி வீடியோக்களை வெளியிட்டுள்ளேன். பாதுகாப்பாக இருங்கள்” என்று பதிவிட்டுள்ளார்.