சினிமா
சூரரைப் போற்று பாடல் வெளியீட்டில் புதுமை
சுதா கொங்காரா இயக்கத்தில் சூர்யா நடித்துள்ள சூரரைப் போற்று படத்தின் பாடலை வித்தியாசமான முறையில் வெளியிட படக்குழு திட்டமிட்டுள்ளது.
சூர்யா நடிப்பில் தற்போது உருவாகி இருக்கும் படம் ‘சூரரைப் போற்று’. இப்படத்தை சுதா கொங்கரா இயக்கியுள்ளார். இதில் நாயகியாக அபர்ணா பாலமுரளி நடித்துள்ளார். மேலும், மோகன் பாபு, ஜாக்கி ஷெராப், கருணாஸ் உள்ளிட்ட பலர் முக்கியக் கதாபாத்திரங்களில் நடித்துள்ளார்.
ஏர் டெக்கான் நிறுவனர் ஜி.ஆர்.கோபிநாத்தின் வாழ்க்கையில் நிகழ்ந்த சில சுவாரஸ்யமான நிகழ்வுகளை மையப்படுத்தி கதை உருவாக்கப்பட்டுள்ளது. இந்தப் படத்தை 2டி என்டர்டெய்ன்மெண்ட் நிறுவனம் தயாரித்துள்ளது. படப்பிடிப்பு முடிந்து பின்னணி வேலைகள் மும்முரமாக நடைபெற்று வருகிறது.
சூரரைப் போற்று படம் விமானத்தை மையப்படுத்திய கதை என்பதால், இசை வெளியீட்டையும் இதுவரை இல்லாத வகையில் புதுவிதமாக நடத்த படக்குழு திட்டமிட்டுள்ளது. அதன்படி சென்னை விமான நிலையத்தில் இசை வெளியீட்டு விழாவை நடத்த உள்ளதாக கூறப்படுகிறது.
ஏற்கனவே மாறா எனும் தீம் பாடலை படக்குழு வெளியிட்டுள்ள நிலையில், தற்போது ’வெய்யோன் சில்லி’ எனும் பாடலை விமானத்தில் வெளியிட படக்குழு முடிவு செய்துள்ளது. இந்த பாடல் வெளியீட்டிற்காக அரசு பள்ளி மாணவர்கள் 100 பேரை தேர்ந்தெடுத்துள்ளனர். விமானத்தில் பறக்க வேண்டும் என்ற கனவுடன் இருக்கும் அந்த மாணவர்களின் ஆசை இதன் மூலம் நிறைவேறும் என படக்குழு தெரிவித்துள்ளது.